| Əsas » Məqalə » Azərbaycan ədəbiyyatı |
Əfəndiyev Elçin yaradıcılığı-İşgüzar səfər
İŞGÜZAR SƏFƏR
Bu ilin sentyabr ayında BMT-nin Baş Assambleyasının Xüsusi Sessiyası - uşaqlara dair dünya dövlətləri başçılarının Zirvə Görüşü keçiriləcəkdir. Yanvar ayının 29-dan fevralın 3-nə kimi Nyu-Yorkda BMT-nin həmin sammitə hazırlıq Komitəsinin İkinci Əsas Sessiyası keçirilmişdir. Respublika Prezidentinin sərənçamı ilə hazırlıq Komitəsində Azərbayçan Respublikası Prezidentinin şəxsi nümayəndəsi təyin edilmiş Baş Nazirin müavini Elçin Əfəndiyev İkinçi Əsas Sessiyanın işində iştirak etmişdir. Müxbirimiz Elçin Əfəndiyevlə görüşüb müsahibə almışdır. -Elçin müəllim, xahiş edirik səfəriniz haqqında qısaça da olsa məlumat verəsiniz. -1990-çı ildə BMT-də Ümumdünya Zirvə görüşü keçirilmişdi və orada qərara alınmışdı ki, gələçək nəslin problemləri son dərəçə aktual mahiyyət kəsb etdiyi üçün, həmin problemlər dünya miqyasında çiddi öyrənilməli, təhlil olunmalı və bu problemlərin həlli ilə bağlı xüsusi Ümumdünya Zirvə görüşü keçirilməlidir. Əlbəttə, belə bir narahatlıq təsadüfi deyil. Təəssüflər olsun ki, XX əsrin son onillikləri qlobal sarsıntılarla, siyasi-ictimai kataklizmlərlə, qanlı təçavüzlər və təbii fəlakətlərlə «zəngin» olmuşdur. Bu zaman, təbii ki, ən çox zərər çəkən, həm maddi, həm də mənəvi sıxıntılara məruz qalan uşaqlardır. Bunu elə Azərbaycanın timsalında da aydın görmək olar. Ölkəmizdə bir milyondan çox qaçqının əsas hissəsi uşaqlardan ibarətdir və onların hüququ tapdaq altındadır, onlar normal təhsildən, səhiyyə xidmətindən, məişət atributlarından məhrumdur. Bu baxımdan Azərbaycan, payızda keçiriləçək dövlət başçılarının Ümumdünya Sammitinin işində, şübhəsiz ki, çox maraqlıdır və mən qəbul olunaçaq Əsas Sənədlə bağlı verdiyim təkliflərdə, keçirdiyim görüşlərdə Respublikamızda təzahürünü tapmış problemləri diqqət mərkəzinə çəkirdim. -Keçirdiyiniz görüşlər barədə nə deyə bilərsiz? -Çox gərgin bir qrafiklə işləyirdik. Hazırlıq Komitəsinin sessiyası BMT-də səhər saat 10-da işə başlayır və bir saatlıq fasilə ilə axşam saat 6-ya qədər davam edirdi. Buna baxmayaraq mən Meksikanın BMT-dəki xüsusi nümayəndəsi, səfir cənab Manuel Tello, Perunun səfiri cənab Corç Luis Valdes Korilla, Əlcəzairin səfiri cənab Abdulla Bali, Bəhreynin səfiri cənab Casim Məhəmməd Byula, Omanın səfiri cənab Fuad Mübarək əl-Hinai, Burkina-Fasonun səfiri çənab Mikel Kofando, Avstriyanın səfiri cənab Hemard Pfanzelter, YUNİSEF-in Regional direktoru cənab Filip S.O.Brayn, YUNİSEF-in Baş icraçı direktoru xanım Karol Bellami ilə rəsmi görüşlər keçirdim. Bu görüşlərin keçirilməsində bizim BMT-dəki nümayəndəliyimizin işgüzarlığını qeyd etmək istəyirəm. Mən bu görüşləri çox əhəmiyyətli hesab edirəm. Görüşlər zamanı söhbət məhdud bir mövzu ətrafında getmirdi. Biz müxtəlif siyasi hadisələr haqqında fikir mübadiləsi aparırdıq, mən respublikamızdakı vəziyyət barədə, bizim istək və ehtiyaclarımız haqqında, o cümlədən, təbii ki, erməni təcavüzü, işğal olunmuş torpaqlarımız və bir milyondan çox qaçqınlarımızla bağlı məlumatlar verirdim, ölkələrimiz arasındakı əməkdaşlığı artırmaq üçün təklifləri müzakirə edirdik. Elə bilirəm ki, bu görüşlər həmin ölkələrlə Azərbaycanın BMT-dəki nümayəndəlikləri arasında əlaqələrin daha da sıx olması baxımından, yəni ciddi problemlərin BMT-dəki gələcək müzakirələri, səsvermələr zamanı kordinasiyalı fəaliyyət göstərə bilmək işində əhəmiyyətli oldu. YUNİSEF-in rəhbərliyi ilə, xüsusən, xanım K.Bellami ilə danışıqlarımız da respublikamızda gələcək nəsillərin hərtərəfli yetişməsi üçün münbit beynəlxalq şərait yaratmaq, bu nüfuzlu təşkilatın Azərbaycandakı fəaliyyətində daha effektli nəticələr əldə etmək baxımından çox xeyirli oldu. Azər.TAC.
2001.
| |
| Baxış: 381 | |
| Bütün rəylər: 0 | |
