| Əsas » Məqalə » Dini biliklər |
Məsumların nurlu kəlamlarından 500 hədis
Məsumların nurlu kəlamlarından 500 hədis
Bağışlayan və mehriban Allahın adı ilə
Hədislər Hədis 1: Həzrət Məhəmməd (s) buyurur: "Bütün yaxşılıqlardan üstün bir yaxşılıq vardır. Lakin insan Allah yolunda öldürüldükdə, daha bundan da üstün bir yaxşılıq yoxdur.” * * * Hədis 2: Həzrət Məhəmməd (s) buyurur: "Heç bir damla Allah yolunda tökülən qan damlasından əziz deyil.” * * * Hədis 3: İmam Sadiq (ə) buyurur: "Hər kəs Allah yolunda öldürülsə, Allah-təala ona heç bir günahını göstərməz.” (Bütün günahları bağışlanar). * * * Hədis 4: İmam Sadiq (ə) buyurur: "Ailə xərcinin qorxusundan evlənməyən kəs Allaha qarşı sui-zənn etmişdir.” * * * Hədis 5: İmam Sadiq (ə) buyurur: "Hər kəs mömini yoxsulluğuna görə alçaq saysa, Allah-təala da qiyamət günü onu xalq qarşısında rüsvay edər.” * * * Hədis 6: İmam Sadiq (ə) buyurur: "Bütün peyğəmbərlər bizim (Biz Əhli-beytin) üstünlüyümüzü və haqqımızı tanıyaraq məbus olmuşdur.” * * * Hədis 7: İmam Baqir (ə) buyurur: "Üç şey insanın belini qırır: 1. Öz əməlini böyük saymaq; 2. Öz günahını yaddan çıxarmaq; 3. Öz rəyindən xoşu gəlmək.” * * * Hədis 8: İmam Sadiq (ə) buyurur: "Allah-təalaya hüsn-zənn budur ki, Ondan başqa heç kəsə ümidin olmasın və günahlarından başqa heç nədən qorxmayasan.” * * * Hədis 9: İmam Həsən (ə) buyurur: "Günahın cəzasını verməkdə tələsmə, üzr üçün bir yol qoy.” * * * Hədis 10: Həzrət Məhəmməd (s) buyurur: "Əməllərinizi Allah üçün xalisliklə yerinə yetirin. Həqiqətən, Allah yalnız Onun üçün xalisliklə yerinə yetirilmiş əməlləri qəbul edir.” * * * Hədis 11: Həzrət Məhəmməd (s) buyurur: "Öz ümmətim üçün hər şeydən çox danışıqda mahir olan münafiqlərdən qorxuram.” * * * Hədis 12: Həzrət Məhəmməd (s) buyurur: "Allah-təala sevdiyi bəndəsini çətinliyə salar ki, onun ahuzarını eşitsin.” * * * Hədis 13: Həzrət Məhəmməd (s) buyurur: "Bir şəxsi işlətmək üçün əcir tutduqda, haqqını ona əvvəlcədən elan edin.” * * * Hədis 14: Həzrət Məhəmməd (s) buyurur: "Elm öyrənənin (din tələbəsinin) əcəli çatdıqda, şəhid kimi ölər.” * * * Hədis 15: Həzrət Məhəmməd (s) buyurur: "Əgər öz yaxşı işindən sevinib, pis işindən narahat olursansa, deməli möminsən.” * * * Hədis 16: Həzrət Məhəmməd (s) buyurur: "Qəzəbləndiyin zaman, sakit ol (dayan).” * * * Hədis 17: Həzrət Məhəmməd (s) buyurur: "Tanışlarınızdan biri öldüyü zaman onu rahat buraxın və haqqında pis danışmayın.” * * * Hədis 18: Həzrət Məhəmməd (s) buyurur: "Bir bəndə öldükdə camaat deyər: "Özündən sonra nə qoydu getdi?” Və mələklər deyər: "Özü ilə nə gətirdi?” * * * Hədis 19: Həzrət Məhəmməd (s) buyurur: "Ölənlərinizin yaxşılıqlarını yada salın və pisliklərinə göz yumun.” * * * Hədis 20: Həzrət Məhəmməd (s) buyurur: "İki saleh qohumundan həya etdiyin kimi Allahdan həya et.” * * * Hədis 21: Həzrət Məhəmməd (s) buyurur: "Xalqa möhtac olmayın və onlardan bir diş çöpü belə istəməyin.” * * * Hədis 22: Həzrət Məhəmməd (s) buyurur: "Xalqın ən şücaətlisi öz nəfsinə qalib gələn şəxsdir.” * * * Hədis 23: Həzrət Məhəmməd (s) buyurur: "Beşikdən qəbrədək elm axtarışında (öyrənməkdə) olun.” * * * Hədis 24: Həzrət Məhəmməd (s) buyurur: "Möminin çətinliyi hamıdan çoxdur, çünki o həm dünya, həm də axirət işləri ilə məşğul olmalıdır.” * * * Hədis 25: Həzrət Məhəmməd (s) buyurur: "Az günah etsən, ölüm sənə asan olar.” * * * Hədis 26: Həzrət Məhəmməd (s) buyurur: "Diş fırçalamaq barəsində mənə o qədər göstəriş verdilər ki, onun vacib olacağından qorxdum.” * * * Hədis 27: Həzrət Məhəmməd (s) buyurur: "Dünyada hamıdan tox olan, qiyamətdə hamıdan ac olacaq.” * * * Hədis 28: Həzrət Məhəmməd (s) buyurur: "Sədəqə var-dövləti artırar.” * * * Hədis 29: Həzrət Məhəmməd (s) buyurur: "Allah-təala ata və anaya yaxşılıq edən insanın ömrünü uzadar.” * * * Hədis 30: Həzrət Məhəmməd (s) buyurur: "Allah-təala bütün danışanların dilinə nəzarətçidir. Bəndə Allahdan qorxmalı və nə danışdığına fikir verməlidir.” * * * Hədis 31: Həzrət Məhəmməd (s) buyurur: "Allah-təala duada israr edənləri sevər.” * * * Hədis 32: Həzrət Məhəmməd (s) buyurur: "Allah-təala, bəndəsinin Ona tərəf uzadılmış əlini geri qaytarmaqdan və onu ümidsiz qoymaqdan həya edər.” * * * Hədis 33: Həzrət Məhəmməd (s) buyurur: "Allah-təala boş söz-söhbətləri sizə qadağan etdi.” * * * Hədis 34: Həzrət Məhəmməd (s) buyurur: "İsrafın bir növü də ürəyin istədiyi hər bir şeyi yeməkdir.” * * * Hədis 35: Həzrət Məhəmməd (s) buyurur: "Hər kəs Allahdan bir şey istəməsə, Allah ona qəzəblənər.” * * * Hədis 36: Həzrət Məhəmməd (s) buyurur: "Öz sübhünüzü sədəqə verməklə başlayın, çünki bəla sədəqənin üstündən keçə bilmir.” * * * Hədis 37: Həzrət Məhəmməd (s) buyurur: "Sübh tezdən ruzi və hacət dalınca gedin, çünki tezdən durmaq bərəkət və qurtuluşa səbəbdir.” * * * Hədis 38: Həzrət Məhəmməd (s) buyurur: "Varlıların yediyi, fəqirlərin isə məhrum olduğu toy xörəyi necə də pisdir.” * * * Hədis 39: Həzrət Məhəmməd (s) buyurur: "Paxıl (xəsis) o şəxsdir ki, adım çəkiləndə mənə salavat göndərmir.” * * * Hədis 40: Həzrət Məhəmməd (s) buyurur: "Çox yemək qəlbdə qəsavət (daşürəklilik) yaradır.” * * * Hədis 41: Həzrət Məhəmməd (s) buyurur: "Oruc tutarkən obaşdan yeyin, çünki obaşdanlıq bərəkətin əsasıdır.” * * * Hədis 42: Həzrət Məhəmməd (s) buyurur: "Bir-birinizə əl verin (görüşün) ki, qəlbinizdən kin xaric olsun.” * * * Hədis 43: Həzrət Məhəmməd (s) buyurur: "Günahdan tövbə odur ki, onu təkrar etməyəsiniz.” * * * Hədis 44: Həzrət Məhəmməd (s) buyurur: "Dünyanın şirinliyi axirətin acılığı və dünyanın acılığı axirətin şirinliyidir.” * * * Hədis 45: Həzrət Məhəmməd (s) buyurur: "Qadının cihadı ərinə yaxşı baxmaqdır.” * * * Hədis 46: Həzrət Məhəmməd (s) buyurur: "Evlənməyin ən yaxşısı odur ki, asan başa gəlsin.” * * * Hədis 47: Həzrət Məhəmməd (s) buyurur: "Dostlarınızın ən yaxşısı eyblərinizi sizə deyəndir.” * * * Hədis 48: Həzrət Məhəmməd (s) buyurur: "Allah rəhmət etsin o kəsə ki, öz dilini islah edər.” * * * Hədis 49: Həzrət Məhəmməd (s) buyurur: "Çox gülmək qəlbi öldürər.” * * * Hədis 50: Həzrət Məhəmməd (s) buyurur: "Əməl olunan elmdən savayı, bütün elmlər qiyamət günündə vizrü-vəbal olacaqdır.” * * * Hədis 51: Həzrət Məhəmməd (s) buyurur: "Heç bir işi sabaha saxlama ki, hər günün öz işi var.” * * * Hədis 52: Həzrət Məhəmməd (s) buyurur: "Özünüz yemədiyinizi yoxsullara yedirməyin.” * * * Hədis 53: Həzrət Məhəmməd (s) buyurur: "Cahil (nadan) bir şəxs ya ifrat edər (həddi aşar), ya da geridə qalar.” * * * Hədis 54: Həzrət Məhəmməd (s) buyurur: "Kim məsləhətləşsə peşman olmaz və kim də orta həddi gözləsə, yoxsul olmaz.” * * * Hədis 55: Həzrət Məhəmməd (s) buyurur: "Bir şəxs özü üçün istədiyini din qardaşı üçün də istəmədikcə mömin olmaz.” * * * Hədis 56: Həzrət Məhəmməd (s) buyurur: "Heç bir kəs gücü çatmayan şeyi qonağı üçün hazırlamamalıdır.” * * * Hədis 57: Həzrət Məhəmməd (s) buyurur: "Camaata verilən heç bir sədəqə onların arasında yayılan elmdən üstün deyildir.” * * * Hədis 58: Həzrət Məhəmməd (s) buyurur: "O işi ki, istəmirsən camaat səndən görsün, təklikdə də əncam vermə.” * * * Hədis 59: Həzrət Məhəmməd (s) buyurur: "Mən hara, dünya hara?! Mənim dünyadakı vəziyyətim bir ağacın kölgəsində oturan, sonra onu orada qoyaraq durub gedən müsafir kimdir.” * * * Hədis 60: Həzrət Məhəmməd (s) buyurur: "Sədəqə verməklə mal azalmaz.” * * * Hədis 61: Həzrət Məhəmməd (s) buyurur: "Hər kəs çox yeməyə adət etsə, ürəyi qəsavət bağlayar (daşlaşar).” * * * Hədis 62: Həzrət Məhəmməd (s) buyurur: "Hər kəs özünü hansı dəstəyə oxşadarsa, həmin dəstədəndir.” * * * Hədis 63: Həzrət Əli (ə) buyurur: "Sizin qiymətiniz yalnız behiştdir, özünüzü ondan ucuzuna satmayın.” * * * Hədis 64: Həzrət Məhəmməd (s) buyurur: "Elm ilə birgə olan yuxu, cəhl ilə birgə olan ibadətdən üstündür.” * * * Hədis 65: Həzrət Məhəmməd (s) buyurur: "Allah-təala övladlarınız arasında, hətta onları öpərkən belə ədalətə riayət etməyinizi sevir.” * * * Hədis 66: Həzrət Məhəmməd (s) buyurur: "Allah-təala yalnız rəhimli bəndələrinə rəhm edər.” * * * Hədis 67: Həzrət Məhəmməd (s) buyurur: "Qadının bərəkətli olmasının əlaməti budur ki, elçiliyi asan, mehriyyəsi isə yüngül olsun.” * * * Hədis 68: Həzrət Məhəmməd (s) buyurur: "Bu dünyada sizin üçün bir müsafirin azuqəsi qədər olan mal kifayətdir.” * * * Hədis 69: Həzrət Məhəmməd (s) buyurur: "Allah-təala behişti nə dediyinə və onun haqqında nə deyildiyinə əhəmiyyət verməyən pis danışıqlı adamlara haram etmişdir.” * * * Hədis 70: Həzrət Məhəmməd (s) buyurur: "Sizin ən yaxşınız dünyaya daha rəğbətsiz, axirətə isə daha rəğbətli olanınızdır.” * * * Hədis 71: Həzrət Məhəmməd (s) buyurur: "Qardaşın (öz din) qardaşına olan gizli duası rədd ediləsi deyil.” * * * Hədis 72: Həzrət Məhəmməd (s) buyurur: "Dünya möminin zindanı, kafirinsə behiştidir.” * * * Hədis 73: Həzrət Məhəmməd (s) buyurur: "Allah o kəsə rəhmət etsin ki, sözlərindən artığını saxlayar, malının artığını isə sədəqə verər (paylayar).” * * * Hədis 74: Həzrət Məhəmməd (s) buyurur: "Alimin iki rəkət namazı, alim olmayan adamın yetmiş rəkət namazından üstündür.” * * * Hədis 75: Həzrət Məhəmməd (s) buyurur: "Allaha diqqətlə qılınan iki rəkət namaz, Allahdan qəflətdə qılınan min rəkət namazdan üstündür.” * * * Hədis 76: Həzrət Əli (ə) buyurur: "Kim özünü hesaba çəksə, səadətə yetişər.” * * * Hədis 77: Həzrət Məhəmməd (s) buyurur: "Elmin fəziləti ibadətin fəzilətindən çoxdur.” * * * Hədis 78: Həzrət Məhəmməd (s) buyurur: "Elmlə olan az əməl faydalı, cəhalətlə olan çox əməl isə faydasızdır.” * * * Hədis 79: Həzrət Məhəmməd (s) buyurur: "Əgər mənim bildiklərimi bilsəydiniz, az gülüb çox ağlayardınız.” * * * Hədis 80: Həzrət Məhəmməd (s) buyurur: "Bəndə öz dilini saxlamayınca, imanın həqiqətinə çatmaz.” * * * Hədis 81: Həzrət Məhəmməd (s) buyurur: "İnsanı üzünə tərif etmək, onu qətlə yetirmək kimidir.” * * * Hədis 82: Həzrət Məhəmməd (s) buyurur: "Allah yolunda bir gecə keşik çəkmək, min gecə namaz qılıb, gündüzləri də oruc tutmaqdan üstündür.” * * * Hədis 83: Həzrət Məhəmməd (s) buyurur: "İslamın zirvəsi Allah yolunda cihaddır ki, yalnız ən üstün müsəlmanlar bu zirvəyə yetişərlər.” * * * Hədis 84: Həzrət Məhəmməd (s) buyurur: "Günahdan tövbə edən şəxs günah etməmiş kimidir.” * * * Hədis 85: Həzrət Məhəmməd (s) buyurur: "Günahdan tövbə etdiyi halda, onu təkrarlayan şəxs Allahı məsxərə etmiş kimidir.” * * * Hədis 86: Həzrət Məhəmməd (s) buyurur: "Dünya sevgisi bütün xataların başlanğıcıdır.” * * * Hədis 87: Həzrət Məhəmməd (s) buyurur: "Dünyan üçün elə çalış ki, sanki həmişə yaşayacaqsan. Axirətin üçün isə elə çalış ki, sanki sabah öləcəksən.” * * * Hədis 88: Həzrət Məhəmməd (s) buyurur: "Adəm övladının xatalarının çoxu dilindədir.” * * * Hədis 89: Həzrət Məhəmməd (s) buyurur: "Mömini şad edən məni şad etmiş, məni şad edən isə Allahı şad etmişdir.” * * * Hədis 90: Həzrət Məhəmməd (s) buyurur: "Müsəlmana hiylə quran bizdən deyildir.” * * * Hədis 91: Həzrət Məhəmməd (s) buyurur: "Qonşusu ac ikən özü tox yatan kəs mənə iman gətirməmişdir.” * * * Hədis 92: Həzrət Məhəmməd (s) buyurur: "Qiyamət günü möminin əməl tərəzisinə xoş xasiyyətdən də üstün olan bir şey qoyulmayacaqdır.” * * * Hədis 93: Həzrət Məhəmməd (s) buyurur: "Həqiqətən, xoşxasiyyətli şəxs üçün oruc tutub gecəni oyaq qalan adamın savabı vardır.” * * * Hədis 94: Həzrət Məhəmməd (s) buyurur: "Hər kəs sübh edə, lakin müsəlmanların işinə yarımaya, müsəlman deyildir.” * * * Hədis 95: Həzrət Məhəmməd (s) buyurur: "Sizlərdən hər biriniz öz (din) qardaşına özünə etdiyi kimi xeyirxahlıq etməlidir.” * * * Hədis 96: Həzrət Əli (ə) buyurur: "Qeybətə qulaq asan elə qeybət edən kimidir.” * * * Hədis 97: Həzrət Əli (ə) buyurur: "Zarafatda həddi gözləməyən şəxs əbləhdir.” * * * Hədis 98: Həzrət Əli (ə) buyurur: "Öz şəhvətini öldürən (cilovlayan) şəxs ağıllı insandır.” * * * Hədis 99: Həzrət Əli (ə) buyurur: "Məsləhət edən şəxs xatadan amanda qalar.” * * * Hədis 100: Həzrət Əli (ə) buyurur: "Allah yolunda döyüşənlər üçün göyün qapıları açılar.” * * * Hədis 101: Həzrət Əli (ə) buyurur: "Tövbə etmək qəlbləri paklayır, günahları yuyur.” * * * Hədis 102: Həzrət Əli (ə) buyurur: "Mömin onunla insafsız rəftar edənlə insafla davranar.” * * * Hədis 103: Həzrət Əli (ə) buyurur: "Bilərəkdən günah edən şəxs bağışlanmağa layiq deyildir.” * * * Hədis 104: Həzrət Əli (ə) buyurur: "Zülm və fəsad yolundan çəkinib itaət yolunu tutun ki, axirətdə xoşbəxt olasınız.” * * * Hədis 105: Həzrət Əli (ə) buyurur: "Allahdan həya etmək bir çox günahları aradan aparır.” * * * Hədis 106: Həzrət Əli (ə) buyurur: "Elimsiz əməl etmək zəlalətdir (yoldan azmaqdır).” * * * Hədis 107: Həzrət Əli (ə) buyurur: "Bəndələrin dünyadakı əməlləri, axirətdə gözlərinin qabağında olacaqdır.” * * * Hədis 108: Həzrət Əli (ə) buyurur: "Təqvalıların nəfsi qane, şəhvətləri ölü, çöhrələri açıq, qəlbləri isə qəmgindir. ” * * * Hədis 109: Həzrət Əli (ə) buyurur: "Dünya bulud kölgəsi və şirin yuxu kimidir.” * * * Hədis 110: Həzrət Əli (ə) buyurur: "Ağıllı şəxs odur ki, öz nəfsi üzərində qələbə çalsın və axirətini dünyasına dəyişməsin.” * * * Hədis 111: Həzrət Əli (ə) buyurur: "Kimə bu dörd şey verilsə, ona dünya və axirət xeyri verilmişdir: danışıqda düzlük, əmanəti qaytarmaq, qarnı (haramlardan) gözləmək, xoş xasiyyət.” * * * Hədis 112: Həzrət Əli (ə) buyurur: "Qəzəbdən çəkin ki, onun başlanğıcı dəlilik, sonu isə peşmançılıqdır.” * * * Hədis 113: Həzrət Əli (ə) buyurur: "Ağıllı şəxs odur ki, dilini saxlasın.” * * * Hədis 114: Həzrət Əli (ə) buyurur: "Yalan dünyada rüsvayçılıq, axirətdə isə əzabdır.” * * * Hədis 115: Həzrət Əli (ə) buyurur: "Allaha itaətə səbr etmək, Onun əzabına səbr etməkdən asandır.” * * * Hədis 116: Həzrət Əli (ə) buyurur: "Mömin o adamdır ki, sevgisi Allaha görə, nifrəti Allaha görə, alış-verişi də Allaha görədir.” * * * Hədis 117: Həzrət Əli (ə) buyurur: "Alim cahili tanıyır, çünki özü də əvvəl cahil olmuşdur.” * * * Hədis 118: Həzrət Əli (ə) buyurur: "Nadan alimi tanımır, çünki özü əvvəl alim olmamışdır.” * * * Hədis 119: Həzrət Əli (ə) buyurur: "Yaxşı işlər istisna olmaqla, bütün işlərdə ifrat etmək pisdir.” * * * Hədis 120: Həzrət Əli (ə) buyurur: "İnsan üçün nadanlığın ziyanı, cüzamın onun bədəninə vurduğu ziyandan daha çoxdur.” * * * Hədis 121: Həzrət Əli (ə) buyurur: "O adam mənfəət tapar ki, dünyasını axirətinə sata və əvəzində axirəti ala.” * * * Hədis 122: Həzrət Əli (ə) buyurur: "Həqiqətən, riyakarlığın ən aşağı mərtəbəsi belə, Allaha qarşı şirkdir.” * * * Hədis 123: Həzrət Əli (ə) buyurur: "Heç kim öz Rəbbindən savayı başqasına ümidvar olmamalı və yalnız öz günahlarından qorxmalıdır.” * * * Hədis 124: Həzrət Əli (ə) buyurur: "Bir kəs ki, özünü töhmət hüzurunda qərar verir, ona bədgüman olanları qınamamalıdır.” * * * Hədis 125: İmam Sadiq (ə) buyurur: "İmanlı bir şəxs heç vaxt öz şəhvətinə məğlub olmaz və qarnı onun rüsvayçılığına səbəb olmaz.” * * * Hədis 126: Həzrət Əli (ə) buyurur: "Susub həqiqəti gizləməkdə heç bir xeyir yoxdur (pisdir). Necə ki, nadanlıq üzündən danışmaq yaxşı deyildir.” * * * Hədis 127: Həzrət Əli (ə) buyurur: "Kişi öz dilinin altında gizlənmişdir. * * * Hədis 128: Həzrət Əli (ə) buyurur: "Fürsəti əldən vermək qəm-qüssədir.” * * * Hədis 129: Həzrət Əli (ə) buyurur: "Ağıl kamillik mərtəbəsinə çatanda, danışıq qısalar.” * * * Hədis 130: Həzrət Əli (ə) buyurur: "Atanın övlada ədəb və tərbiyədən daha üstün hədiyyəsi ola bilməz.” * * * Hədis 131: Həzrət Məhəmməd (s) Əliyə (ə) buyuruğu: "Övladını pis tərbiyə edərək onların üzə qayıtmasına səbəb olan ata-anaya Allah lənət etsin.” * * * Hədis 132: İmam Əliyyən Nəqi (ə) buyurur: "Özünü bəyənmək insanı elm öyrənməkdən saxlayar.” * * * Hədis 133: Həzrət Əli (ə) buyurur: "Heç bir kəs əqlinin bir hissəsini vermədən zarafat etmədi.” * * * Hədis 134: Həzrət Əli (ə) buyurur: "Dini hökmləri bilmədən ticarətlə məşğul olan şəxs sələmə düçar olar.” * * * Hədis 135: Həzrət Əli (ə) buyurur: "Hər bir insanın rəyinin dəyəri onun təcrübəsi qədərincədir.” * * * Hədis 136: Həzrət Əli (ə) buyurur: "Ləzzətlərin gedəcəyi və günahların qalacağı yadınızda olsun.” * * * Hədis 137: Həzrət Məhəmməd (s) buyurur: "Allahın razılığı ata-ananın razılığında, qəzəbi isə onların qəzəbindədir.” * * * Hədis 138: Həzrət Əli (ə) buyurur: "Günah etməmək tövbə etməkdən daha asandır.” * * * Hədis 139: Həzrət Əli (ə) buyurur: "Allaha itaətsizlik edənlərə itaət etmək rəva deyildir.” * * * Hədis 140: Həzrət Əli (ə) buyurur: "Yoxsulluq çox böyük ölümdür.” * * * Hədis 141: Həzrət Məhəmməd (s) buyurur: "Peyğəmbərlik məqamına daha yaxın olanlar alimlər və (haqq yolda) cihad edənlərdir.” * * * Hədis 142: Həzrət Əli (ə) buyurur: "Səni kədərləndirən pis bir işin səni məğrur edən xeyir işindən Allah yanında daha yaxşıdır.” * * * Hədis 143: Həzrət Məhəmməd (s) buyurur: "Bir qəbilənin ölümü alimin ölümündən daha asan və dözüləsidir.” * * * Hədis 144: Həzrət Məhəmməd (s) buyurur: "Hər hansı bir məclisdə oturub elmini artırmayan kəs, Allahdan uzaqlığını artırmışdır.” * * * Hədis 145: İmam Riza (ə) buyurur: "İbadət çoxlu oruc və namaz yox, yaradılış haqqında (Allahın yaratdıqlarında) düşünməkdir.” * * * Hədis 146: İmam Riza (ə) buyurur: "Sükut hikmət qapılarından olan bir qapıdır.” * * * Hədis 147: İmam Riza (ə) buyurur: "Qohumluq əlaqəsini bir içim su ilə də olsa, möhkəmləndir. * * * Hədis 148: İmam Riza (ə) buyurur: "Bir-birinizin görüşünə gedin ki, dostluğunuz möhkəmlənsin.” * * * Hədis 149: İmam Riza (ə) buyurur: "Peyğəmbər ailəsinə dostluq ümidi ilə saleh əməli və ibadətdə səy göstərmənizi tərk etməyin.” * * * Hədis 150: İmam Riza (ə) buyurur: "Günahları və möminə əziyyət verməyi tərk etməkdən daha faydalı təqva yoxdur.” * * * Hədis 151: İmam Sadiq (ə) buyurur: ”Allah-təala qafil qəlblə edilən duanı qəbul buyurmaz, ona görə də agah qəlblə dua et və duanın qəbul olacağına əmin ol.” * * * Hədis 152: İmam Məhəmməd Təqi (ə) buyurur: "Şükrü yerinə yetirilməyən bir nemət bağışlanmayan günah kimidir.” * * * Hədis 153: İmam Məhəmməd Təqi (ə) buyurur: "Allahın təqib etdiyi bir kəs necə qaça bilər?!” * * * Hədis 154: İmam Məhəmməd Təqi (ə) buyurur: "Bir çox insanların nifrətini qazanmadan Allah məhəbbətini ələ gətirmək qeyri-mümkündür.” * * * Hədis 155: İmam Məhəmməd Təqi (ə) buyurur: "Allahdan qeyrisinə ümidvar olanı Allah elə onun ümidinə buraxar.” * * * Hədis 156: İmam Əliyyən Nəqi (ə) buyurur: "Öz dəyərini anlamayan adamın şərindən qorun.” * * * Hədis 157: İmam Əliyyən Nəqi (ə) buyurur: "Dünya bir bazardır. Bu bazarda kimi qazanır, kimi isə zərərə düşür.” * * * Hədis 158: İmam Əliyyən Nəqi (ə) buyurur: "Bəla səbirli şəxs üçün bir, səbirsiz şəxs üçün isə ikidir.” * * * Hədis 159: İmam Əliyyən Nəqi (ə) buyurur: "Allah-təala, Onu qəzəbləndirəni xalqın qəzəbinə düçar edər.” * * * Hədis 160: İmam Həsən Əskəri (ə) buyurur: "Dostunu xəlvətdə nəsihət edən şəxs onu zinətləndirmişdir.” * * * Hədis 161: İmam Həsən Əskəri (ə) buyurur: "Dostunu aşkar surətdə nəsihət edən kəs onu xəcil (xəcalətli) etmişdir.” * * * Hədis 162: İmam Həsən Əskəri (ə) buyurur: "Dostlarının ən yaxşısı o kəsdir ki, sənin günahlarını unudub, yaxşılıqlarını yadda saxlasın.” * * * Hədis 163: İmam Həsən Əskəri (ə) buyurur: "Şöhrət və rəyasət istəməkdən çəkin. Çünki bu ikisi insanı məhvə sürükləyir.” * * * Hədis 164: İmam Həsən Əskəri (ə) buyurur: "Müsibət görmüş adamın yanında şadlanmaq ədəbdən deyildir.” * * * Hədis 165: İmam Həsən Əskəri (ə) buyurur: "Ehtiyatın bir həddi vardır ki, onu aşdıqda qorxaqlığa çevrilər.” * * * Hədis 166: Həzrət Əli (ə) buyurur: "Kömək və yardım (Ruzi barəsində) ehtiyac olan qədər (Allah tərəfindən) çatasıdır.” * * * Hədis 167: İmam Həsən Əskəri (ə) buyurur: "Mömini zillətə salan bir şeyə onun meyl göstərməsi necə də pisdir.” * * * Hədis 168: İmam Həsən (ə) buyurur: "Siz qısa müddət ərzində və saylı günlərdə yaşayırsınız, ölüm isə qəfildən gəlir .” * * * Hədis 169: Həzrət Məhəmməd (s) buyurur: "Elm öyrətdiyiniz və ya elm öyrəndiyiniz şəxslə yumşaq davranın.” * * * Hədis 170: Həzrət Məhəmməd (s) buyurur: "Ölümümdən sonra ümmətim üçün ən çox qorxduğum şəxs Quranı yanlış təfsir və təvil edən şəxsdir.” * * * Hədis 171: Həzrət Məhəmməd (s) buyurur: "Allah-təala Öz bəndəsinin tövbəsini canı çıxana qədər qəbul edir.” * * * Hədis 172: Həzrət Məhəmməd (s) buyurur: "Bir şəxsin qaib bir şəxs barəsində etdiyi dua daha tez qəbul olar.” * * * Hədis 173: Həzrət Məhəmməd (s) buyurur: "Qiyamətdə barəsində sorğu-sual olanan ilk şey namazdır.” * * * Hədis 174: Həzrət Məhəmməd (s) buyurur: "Təəccüb edirəm o kəsə ki, ölüm onun sorağında ikən, o, dünya istəyindədir.” * * * Hədis 175: Həzrət Məhəmməd (s) buyurur: "Elm axtarışında olan şəxsin ruzisini Allah yetirər.” * * * Hədis 176: Həzrət Məhəmməd (s) buyurur: "Mənim ümmətimə qarşı mehriban olanla Allah da mehriban olar.” * * * Hədis 177: Həzrət Məhəmməd (s) buyurur: "Müsəlmanların qeybətini etməyin və onların eyiblərini araşdırmayın (axtarmayın).” * * * Hədis 178: Həzrət Əli (ə) buyurur: "Xoş o kəsin halına ki, Allaha ibadət etmək müvəffəqiyyətinə nail olub, günah və xatasına isə ağlayır.” * * * Hədis 179: Həzrət Əli (ə) buyurur: "Xoş o kəsin halına ki, arzuları qısadır və ömrünü qənimət sayır.” * * * Hədis 180: Həzrət Əli (ə) buyurur: "Əməl etmədən behişt istəmək axmaqlıqdır.” * * * Hədis 181: Həzrət Əli (ə) buyurur: "Dil yarası (tənə vurmaq) nizə yarasından daha yandırıcıdır.” * * * Hədis 182: Həzrət Əli (ə) buyurur: "Başqalarının ölümünü gördüyü halda öz ölümünü unudan kəsə təəccüb edirəm.” * * * Hədis 183: Həzrət Əli (ə) buyurur: "Hər gün canının və ömrünün əskildiyini görə-görə ölüm üçün bir iş görməyən kəsə təəccüb edirəm .” * * * Hədis 184: Həzrət Əli (ə) buyurur: "Təəccüb edirəm o kəsə ki, ölüm yatağından qorxur, lakin günahdan uzaqlaşmır.” * * * Hədis 185: Həzrət Əli (ə) buyurur: "Dünyada gedəcəyini bildiyi halda axirəti üçün azuqə hazırlamayan kəsə təəccüb edirəm.” * * * Hədis 186: Həzrət Əli (ə) buyurur: "O kəsə təəccüb edirəm ki, danışdığı sözlərin nə dünyada ona bir xeyri var, nə də axirəti üçün savab yazılır.” * * * Hədis 187: Həzrət Əli (ə) buyurur: "O kəsə təəccüb edirəm ki, özündən yuxarıdakının mərhəmətinə ümidvar olduğu halda, ondan asılı olanları ümidsiz qaytarır.” * * * Hədis 188: Həzrət Məhəmməd (s) buyurur: "Xalq bir şəxsin dilindən qorxarsa, o şəxs cəhənnəm əhlidir.” * * * Hədis 189: Həzrət Məhəmməd (s) buyurur: "Fürsətləri əldən vermək qəm-qüssə gətirər.” * * * Hədis 190: İmam Kazim (ə) buyurur: "Mömin tərəzinin iki gözü kimidir − imanı artdıqca, bəlası da artar.” * * * Hədis 191: İmam Kazim (ə) buyurur: "Öz (din) qardaşını aldadan şəxs məlundur.” * * * Hədis 192: İmam Kazim (ə) buyurur: "Öz (din) qardaşına nəsihət verməyən (onun yaxşılığını istəməyən) şəxs məlundur.” * * * Hədis 193: İmam Kazim (ə) buyurur: "Öz (din) qardaşının qeybətini edən şəxs məlundur.” * * * Hədis 194: İmam Kazim (ə) buyurur: "Allahdan qorx, haqqı söylə − sənin məhvin onda olsa da belə.” * * * Hədis 195: İmam Kazim (ə) buyurur: "Allahın göndərdiyi bütün peyğəmbərlər səxavətli olmuşlar.” * * * Hədis 196: İmam Kazim (ə) buyurur: "Uzun yaşayacağınızı özünüzə təlqin etməyin. Çünki bu adamı həris edər (tamahlandırar).” * * * Hədis 197: İmam Kazim (ə) buyurur: "Nəfsinlə cihad et ki, onu faydasız həvəslərdən qoruyasan.” * * * Hədis 198: Həzrət Əli (ə) buyurur: "Xalqla xoş keçinmək ağıl nişanəsidir.” * * * Hədis 199: Həzrət Əli (ə) buyurur: "Ağılın ən yüksək dərəcəsi cəhli (bilməməzliyi) etiraf etməkdir.” * * * Hədis 200: Həzrət Əli (ə) buyurur: "Aqilin ehtiyacsızlığı onun elminə görədir.” * * * Hədis 201: Həzrət Əli (ə) buyurur: "Cahilin ehtiyacsızlığı malına görədir.” * * * Hədis 202: Həzrət Əli (ə) buyurur: "İntizarı çəkiləsi ən layiqli (səlahiyyətli) şey gizli ölümdür ki, hər şeydən tez gəlib yetişir.” * * * Hədis 203: Həzrət Əli (ə) buyurur: "Dost çətinlik zamanı tanınar.” * * * Hədis 204: Həzrət Əli (ə) buyurur: "Gözün kor olması bəsirətin kor olmasından daha yüngüldür.” * * * Hədis 205: Həzrət Əli (ə) buyurur: "Bircə saatlıq qısa düşünmək uzun-uzadı ibadətdən üstündür.” * * * Hədis 206: Həzrət Əli (ə) buyurur: "O şəxs nicat tapar ki, faydasız həvəslərinə qalib gəlmiş, nəfsinin istəklərinə hakim olmuşdur.” * * * Hədis 207: Həzrət Əli (ə) buyurur: "Büdrəməmək üçün əvvəlcə düşün, sonra danış.” * * * Hədis 208: Həzrət Əli (ə) buyurur: "Az tapılır ki, insan qarınqulu olduğu halda, xəstələnməsin.” * * * Hədis 209: Həzrət Əli (ə) buyurur: "Hər kəsin dəyəri onun biliyi qədərindədir.” * * * Hədis 210: Həzrət Əli (ə) buyurur: "Az yemək bədəni bir çox xəstəliklərdən qoruyur.” * * * Hədis 211: Həzrət Əli (ə) buyurur: "Əməl edilən az elm, əməl edilməyən çox elmdən üstündür.” * * * Hədis 212: Həzrət Əli (ə) buyurur: "Axmağın qəlbi dilinin, aqilin dili isə qəlbinin arxasındadır (yəni, aqil əvvəlcə düşünər sonra danışar).” * * * Hədis 213: İmam Sadiq (ə) buyurur: "Böyüklərimizə ehtiram göstərməyən, kiçiklərimizə isə rəhm etməyən kəs bizdən deyildir.” * * * Hədis 214: İmam Sadiq (ə) buyurur: "Bizim vilayətimiz (hakimiyyətimiz) Allahın hakimiyyətidir. Heç bir peyğəmbər bu vilayətsiz məb’us edilməmişdir.” * * * Hədis 215: İmam Sadiq (ə) buyurur: "Başqasının sirri üzərindən pərdəni götürənin öz evinin sirləri aşkar olar.” * * * Hədis 216: İmam Sadiq (ə) buyurur: "Qardaşına quyu qazan özü düşər.” * * * Hədis 217: İmam Sadiq (ə) buyurur: "Qadınlarınızın pak qalması üçün gözünüzü xalqın namusundan çəkin.” * * * Hədis 218: İmam Sadiq (ə) buyurur: "Mömin başqaları ilə keçinir və əsla kimsə ilə didişmir.” * * * Hədis 219: İmam Sadiq (ə) buyurur: "Dolanışıqda orta həddi gözləyən şəxs heç vaxt fəqir olmaz.” * * * Hədis 220: Həzrət Əli (ə) buyurur: "Çox vaxt bir saatlıq şəhvət ləzzətindən uzun qəm-qüssə yaranır.” * * * Hədis 221: İmam Sadiq (ə) buyurur: "İnsanın daxili islah olarsa, zahiri rəftarı möhkəmlənər.” * * * Hədis 222: İmam Sadiq (ə) buyurur: "Tənbəllik və hövsələsizlikdən uzaq ol. Çünki bu iki hal bütün pisliklərin başlanğıcıdır.” * * * Hədis 223: İmam Baqir (ə) buyurur: "Allah-təala - pis danışan, lənət deyən və tənə vuranları sevmir.” * * * Hədis 224: İmam Baqir (ə) buyurur: "Bizim şiəmiz olan şəxs təqvalıdır, Allaha itaət edən və xalqın haqqında yalnız yaxşı sözlər danışanıdır.” * * * Hədis 225: İmam Baqir (ə) buyurur: "Sənə zülm etmişlərsə də, sən zülm etmə.” * * * Hədis 226: İmam Baqir (ə) buyurur: "Səni yalan danışmaqda ittiham edərlərsə, qəzəblənmə.” * * * Hədis 227: İmam Baqir (ə) buyurur: "Səni tərif etsələr, sevinmə.” * * * Hədis 228: İmam Baqir (ə) buyurur: "Hikməti, hətta ona əməl etməyəndən də olsa, öyrənin.” * * * Hədis 229: İmam Baqir (ə) buyurur: "Əlinə fürsət düşəndə səhlənkarlıq etmə.” * * * Hədis 230: "Saleh insanların məclisi insanı islaha vadar edər.” * * * Hədis 231: İmam Səccad (ə) buyurur: "Yaradılış məqsədiniz barədə düşünün və ona əməl edin. Çünki Allah sizi əbəs yerə yaratmamışdır.” * * * Hədis 232: İmam Səccad (ə) buyurur: "Cəhənnəm odundan qorxan şəxs günahlarından tövbə edər.” * * * Hədis 233: İmam Səccad (ə) buyurur: "Allahın ən xoşu gələn şey budur ki, insan Onu tanıdıqdan sonra qarnını və cinsiyyət üzvlərini haramlardan qorusun.” * * * Hədis 234: İmam Səccad (ə) buyurur: "Əgər bir şəxs səni söydükdən sonra üzr istəyərsə, onu bağışla.” * * * Hədis 235: Həzrət Əli (ə) buyurur: "Hər kim orta həddi gözləsə, həlak olmaz.” * * * Hədis 236: İmam Səccad (ə) buyurur: "Pis işi tərk etməkdən çəkinmə; bu pis əmələ məşhur olsan da belə.” * * * Hədis 237: İmam Həsən (ə) buyurur: "Düşüncə sahibi olub-olmamaq qəzəblənən vaxt bilinər.” * * * Hədis 238: İmam Hüseyn (ə) buyurur: "Fisq-fücur əhli ilə (günahkarlarla) yoldaşlıq etmək insana qarşı sui-zənn yaradır.” * * * Hədis 239: İmam Hüseyn (ə) buyurur: "Bə’zi insanlar dünyanın bəndəsidirlər və dindarlıqları yalnız dildədir. Maddi həyatlarına uyğun gələnədək dinlə yoldaşlıq edirlər. İmtahana çəkildikdə isə dindarlar az olur.” * * * Hədis 240: İmam Hüseyn (ə) buyurur: "Mən ölümü eynilə xoşbəxtlik, zalımlarla yaşamağı isə ağrılı bir əzab sanıram.” * * * Hədis 241: İmam Hüseyn (ə) buyurur: "Xalqın ən səxavətlisi o kəsdir ki, heç bir hədiyyə ummadığı şəxslərə (bir şey) əta etsinlər.” * * * Hədis 242: İmam Hüseyn (ə) buyurur: "Üzr istəməli olacağın işdən uzaq ol. Çünki mömin nə pis iş görər, nə də üzr istəyər.” * * * Hədis 243: İmam Hüseyn (ə) buyurur: "Başqalarının günahından qorxan, lakin öz günahının cəzasını yaddan çıxaranlardan olma.” * * * Hədis 244: İmam Hüseyn (ə) buyurur: "Salam verməyin yetmiş savabı var. Onun altmış doqquzu salam verənin, biri isə salamı alanındır.” * * * Hədis 245: İmam Əli (ə) buyurur: "Nə çoxdur dilin üzündən həlak olanlar!” * * * Hədis 246: İmam Əli (ə) buyurur: "Çox çətinliklər mülayimliklə asanlaşır.” * * * Hədis 247: İmam Əli (ə) buyurur: "Çoxları axirət üçün olan əməli o qədər təxirə salır ki, axırı ölüm onun yaxasından yapışır.” * * * Hədis 248: İmam Əli (ə) buyurur: "Çoxlarının orucu susuz qalmaqdan başqa bir şey deyildir.” * * * Hədis 249: Həzrət Əli (ə) buyurur: "Çoxlarının namazı, əziyyət və yorğunluqdan başqa bir şey deyildir.” * * * Hədis 250: Həzrət Əli (ə) buyurur: "Əcəli çatdığı halda, mal toplamaqda olan bədbəxt nə çoxdur.” * * * Hədis 251: Həzrət Əli (ə) buyurur: "Özünü islah etməyən şəxs başqasını necə islah edə bilər?!” * * * Hədis 252: Həzrət Əli (ə) buyurur: "Qəlbini dünya məhəbbəti tutan kəs Allah sevgisini necə iddia edə bilər?!” * * * Hədis 253: Həzrət Əli (ə) buyurur: "Nadanlığın sübutu üçün insanın özündən razı olmağı yetər.” * * * Hədis 254: Həzrət Əli (ə) buyurur: "Hədsiz zarafat abır-həyanı aradan aparır və düşmənçiliyə səbəb olur.” * * * Hədis 255: Həzrət Əli (ə) buyurur: "Hədsiz zarafat axmaqlıq nişanəsidir.” * * * Hədis 256: Həzrət Əli (ə) buyurur: "Kömək etdiyin kimi kömək görərsən.” * * * Hədis 257: Həzrət Əli (ə) buyurur: "Axirəti üçün sədəqə verməyənlərə dünyanın heç bir faydası yoxdur.” * * * Hədis 258: Həzrət Əli (ə) buyurur: "Çox gülənin qəlbi ölər.” * * * Hədis 259: Həzrət Əli (ə) buyurur: "Başqalarının eyblərindən danışan kəs əvvəlcə öz eyblərindən başlamalıdır.” * * * Hədis 260: Həzrət Məhəmməd (s) buyurur: "Özün üçün bəyənmədiyini başqaları üçün bəyənmə. Özün üçün istədiyini qardaşın üçün də istə.” * * * Hədis 261: Həzrət Məhəmməd (s) buyurur: "Fikirləşmək kimi ibadət, məsləhətləşmək kimi etibarlı kömək yoxdur.” * * * Hədis 262: Həzrət Məhəmməd (s) buyurur: "Çox gülməkdən çəkin, çünki çox gülmək qəlbi öldürər.” * * * Hədis 263: Həzrət Məhəmməd (s) buyurur: "O şəxs bağışlanmağa daha layiqdir ki, intiqam almağa qüdrəti daha çoxdur.” * * * Hədis 264: Həzrət Məhəmməd (s) buyurur: "Xalqın ən dəyərlisi faydasız işdən uzaqlaşan kəsdir.” * * * Hədis 265: Həzrət Məhəmməd (s) buyurur: "Xoş o kəsin halına ki, öz eyblərinə məşğul olduğuna görə, möminlərdə eyb axtarmaqdan uzaqdır.” * * * Hədis 266: Həzrət Məhəmməd (s) buyurur: "Bilmədən bir iş görən şəxsin xarab etdiyi düzəltdiyindən çox olar.” * * * Hədis 267: Həzrət Məhəmməd (s) buyurur: "Hər kəs başqasının pis işini başqalarına bildirsə, özü o işi görmüş kimidir.” * * * Hədis 268: Həzrət Məhəmməd (s) buyurur: "İsrafçılıq yaxşı deyildir, amma yaxşı işdə israf yoxdur.” * * * Hədis 269: Həzrət Məhəmməd (s) buyurur: "Fürsətlər bulud kimi ötüşür.” * * * Hədis 270: Həzrət Məhəmməd (s) buyurur: "Xalqın malında gözü olan şəxs həmişə qəmgin olar.” * * * Hədis 271: Həzrət Məhəmməd (s) buyurur: "Xoş o kəsin halına ki, Allah qorxusu onu xalqın qorxusundan uzaqlaşdırmışdır.” * * * Hədis 272: Həzrət Əli (ə) buyurur: "Heç bir iş sənin başını qatıb axirət işindən uzaqlaşdırmamalıdır. Çünki ömür olduqca qısadır.” * * * Hədis 273: Həzrət Məhəmməd (s) buyurur: "Əzabı və əvəzi daha tez çatan günah nemətə qarşı naşükürlükdür.” * * * Hədis 274: Həzrət Məhəmməd (s) buyurur: "Özünü fəqirliyə vuran fəqir olar.” * * * Hədis 275: İmam Həsən (ə) buyurur: "Yaxşılıq odur ki, əvvəldə hey bu gün-sabaha salınmasın və sonradan da minnət qoyulmasın.” * * * Hədis 276: İmam Həsən (ə) buyurur: "Zarafat insanın zəhmini azaldar və az danışan şəxs öz zəhmini artırar.” * * * Hədis 277: İmam Həsən (ə) buyurur: "Düşünün, çünki düşüncə bəsirətli qəlb üçün həyat səbəbidir.” * * * Hədis 278: İmam Əli (ə) buyurur: "Tövbə və bağışlanma yolu olduğu halda ümidsizliyə qapılan şəxsə təəccüb edirəm.” | |
| Baxış: 1672 | |
| Bütün rəylər: 0 | |
